Würdigung vom Gerry Spichiger

Gerry 1942-2019.pdf

Würdigung vom Gerry Spichiger
08. Ougschte 1942 bis 25.Ougschte 2019

Am 25. Ougschte 2019 het üs der Gerry für immer verlah. Nach churzer schwärer Chrankheit isch är unerwartet us sim aktive Läbe grisse worde. Der Gerry hingerlat im BÄRETeam e grossi Lücke.

Der Gerry isch ke Einzugänger gsi, är het gärn Lüt umsech gha u deshaub vor auem für z’BÄRETeam vieu organisiert. Är het einiges ufzoge u immer gluegt, dass es für aui Teilnähmer e Fröid isch gsi mitzmache u derbi zsi.

Mir dänke a di legendäre Salamiture rund um Münsige oder Ture zum “Röschtivreni” ufem Schweikhof im Ämmitau. Der Gerry het o immer ads Liblechewou vo sine Gümmeler dänkt.

Unvergässlech sini Toscanawuchene, wo är über Jahre mit sehr vieu Umsicht organisiert u begleitet het. Da het jtz vom Auternativprogramm bis zur Velopumpi nüt gfäut.

So het der Gerry über au di Jahr vieune begeischterete Velofahrer, sigs ufem Rennvelo oder ufem MTB, d’Müglechkeit gä ire gseuige Rundi sis Hobby z’fröhne.

Der Gerry isch ke Bländer gsi. Ruehig u kompetänt het är aus stiue Macher zum guete Glinge vom BÄRETeam bitreit.

Bis am Schluss vo sim Läbe het är sech interessiert u id Aktivitäte vom BÄRETeam ibracht.

Gerry mir vermisse Di aus Organisator, Kolleg u ganz liebe Fründ.

Im Herbst 2019

Teamleitig BÄRETeam